మా గురించి - ABOUT US

మేము నమ్మేది:
బైబిలు (66 పుస్తకములు) ప్రేరేపింపబడిన మరియు మార్పు లేని దేవుని వాక్యము, ఈలోకములో మన యొక్క జీవితమునకు సంపూర్ణమైన మరియు సరిపడినంత మార్గదర్శకత ఇచ్చునది.
నిత్యకాలము (ప్రారంభము మరియు ముగింపులేని కాలము) నుండి ఒక్క దేవుడు ముగ్గురు వ్యక్తులుగా తండ్రి, కుమారుడు మరియు పరిశుద్ధాత్మలుగా యుండెను.
యేసుక్రీస్తు యొక్క దైవత్వము, ఆయన కన్యకకు పుట్టిన విషయము, ఆయన మానవత్వము, ఆయన యొక్క పరిపూర్ణమైన పాపరహిత జీవితము, మన పాపములకు ప్రాయశ్చిత్తముగా మరణించిన ఆయన మరణము, ఆయన శరీరముతో పునరుథ్థానుడవుట, ఆయన తండ్రి యొద్దకు ఆరోహణమవుట మరియు తన పరిశుద్ధుల కొరకు తిరిగి ఈ భూమి మీదకు ఆయన వచ్చు విషయము నమ్ముచున్నాము.
మానవులందరు వారి పాపములలో మరణించి సంపూర్తిగా నాశన మార్గములోనికి పోయిరి. వారి పాపములు క్షమింపబడుటకుండిన ఒకే ఒక మార్గము పశ్చాత్తాపము ద్వారా ప్రభువైన యేసుక్రీస్తు యొక్క మరణము మరియు పునరుథ్థానము నందు విశ్వాసముంచుట ద్వారా మాత్రమే కలదు.
పరిశుద్ధాత్మ నూతన స్వభావము కలుగజేయుట ద్వారా ఒక వ్యక్తి తిరిగి జన్మించి దేవుని బిడ్డగా అగునను విషయము.
నీతిమంతునిగా తీర్చబడుట క్రీస్తు నందు విశ్వసించుట వలన మాత్రమే జరుగును, దాని యొక్క రుజువు దేవుని మహిమపరిచే మంచి పనులు చేయుట ద్వారా తెలియును.
నూతన స్వభావము కలిగిన తరువాత తండ్రి, కుమారుడు, పరిశుద్ధాత్మ నామములో నీటిలో ముంచబడుట ద్వారా బాప్తిస్మము పొందవలెను.
క్రీస్తు కొరకు జీవితము ద్వారా మరియు మాట ద్వారా సాక్ష్యముగా నుండుటకు శక్తి కొఱకు నిరంతరము పరిశుద్ధాత్మ చేత నింపబడు అవసరత కలిగియున్నాము.
నీతిమంతులు నిత్యజీవము కొరకు మరియు అనీతిమంతులు నిత్యనాశనము కొరకు తిరిగి లేచుదురు.

జాక్ పూనెన్ గారి గూర్చి - ABOUT Br.Zac Poonen

జాక్ పూనెన్ గారు గతములో భారత నౌకాదళములో ఒక అధికారిగా పనిచేసిరి. గత 40 సంవత్సరములుగా బైబిలు బోధకుడుగా మరియు అనేక సంఘములపై బాధ్యత కలిగిన పెద్దగా భారత దేశములో సేవ చేయుచున్నారు.
ఆయన ఇంగ్లీషులో అనేక పుస్తకములను మరియు సందేశములను వ్రాసెను. అందులో కొన్ని యితర భారతీయ భాషలలోనికి తర్జుమా చేయబడినవి. ఆయన భారత దేశములో మరియు పై దేశములలో యిచ్చిన సందేశములు ఆడియో మరియు వీడియో క్యాసెట్లు మరియు సీ.డి.లుగా అందుబాటులో నున్నవి (పుస్తకములు, ఆడియో మరియు వీడియో భాగమును చూడండి).
సి.ఎఫ్.సి లో నుండిన ఇతర పెద్దలవలె జాక్ పూనెన్ గారు కూడా ఆయన కొరకు మరియు ఆయన కుటుంబము కొరకు "డేరాలు తయారు చేయు" విధానముపై ఆధారపడుదురు, కాని ఆయన సేవలలో దేని గూర్చి ఆయన ఏ జీతము తీసుకొనరు. సి.ఎఫ్.సి. ద్వారా ప్రచురమవుచున్న ఆయన యొక్క పుస్తకములు, ఆడియో క్యాసెట్లు, వీడియో క్యాసెట్లు లేక సీ.డి.లు పై ఏ విధమైన ప్రతిఫలమును పొందరు.